البارح ــــــــــــــــــــــــــــــــــــه يومـــــه سـأإأإل (وش ذكرك كـأإن الجواب بكل بساطه متى اصلا نسيتك

البارحه يومه سأل : ( وش ذكـرك ذيـك الليـال ؟ )

كان الجواب بكل بساطه : ( من متى اصلا نسيـت ؟ )

يا صاحبـي لـو كـل شـي يمـر بالخاطـر يقـال

مـا كانـت العبـره تولجنــــي اليامنـك طـريـت ؟!



شفني قدرت احبس دموعي بس ( دمع القاف ) سـال

ويا كبرها ساكـت ولكـن داخـل اوراقـي بكيـت !!

عمر الحكي ما كـان دافـي لاابتـدى بقولـة تعـال

لجـل اتجاهـل رجفـة حروفـي اليامنـي حكيـت ..



الحـال فـي بعـدك قسـم بالله مـا اسميـه حـال

انوي على الضحكه واحس كلي خطا لانـي نويـت ؟!

تعبـت اعيـش الـدور وافتـح للمعاذيـر الخـيـال

واتخيل انـي جيـت فـي بالـك وبانـك استحيـت!!



وتردلي كلك (( وله )) وتقول : ( كن البعد طـال ؟ )

ومن الفرح ما عاتبك واقول : ( ياخـي مابغيـت !! )

حتـى وانـا تخيـل حشمتـك ! لـن قلبـي لا يـزال

يكرر اسمـك داخـل اعماقـي بنبضـه لا سهيـت..



قلي شسوي فيـك ؟ وانـت بداخلـي اصـدق مثـال

للحب واحساس القصيد ان عانـق الليـل وسريـت..

ربـي يصبرنـي... علـى الفرقـا مـدام الحـظ مـال

وانت بيجيلك يوم تعرف ليـه فـي بعـدك شكيـت !!



واذا بـلاك الله وعذبـك اشتياقـك (( بـس تعـال ))

واقرى القصايد في غيابـك كلبوهـا بيـت ... بيـت

بتدرى ان ( اصعب سؤال ) اللي يجي رده ( سـؤال )

لا قلتلي ( وش ذكرك ؟ ) ثم قلتلك ( متى نسيـت ؟ )