راح ح ـــــــــول وراح فوق الحول حول

. راح حول وراح فوق الحول حول
والجروح الخافيه عيّت تطيب .

. والزمان الشين عيّا لايزول
وضاقت الدنيا على الكون الرحيب .


. عايش وكني عن الناس معزول
لا حبيب ولا رفيق ولا صحيب .


. ماخبرتك ياهوى بالي زعول
ليه طبعك صار ياخلي غريب

.
. والله إني ماشيٍٍ حسب الأصول
مامشت رجلي على درب ٍ يعيب .


. ماسمعت الناس لو عنّك تقول
ولا دخلني فيك لاشكٍ وريب .


. غرك إني دايم بشعري أقول
أنت الأول وأنت لي آخر حبيب .


. الليالي بيننا قامت تحول
وأنت أشوفك تالي أيامك تغيب .


. للمفارق صايرٍ عندك ميول
وأنت تدري فالحشا جرحك عطيب .



. لكن الدعوى تراها ماتطول
دام مالي فيك حظ ولا نصيب .



. عادة الدنيا لها أربع فصول
وشمسها تشرق ويتليها المغيب .